Plantun de Prouvènço

Pèr coumpara dos planto d'encò nostre

Serapias vomeracea & Juniperus communis subsp. communis

Serapias vomeracea

Orchidaceae

Nom en français : Sérapias à labelle allongé.

Descripcioun :
Lebourino que se pòu vèire un pau d'en pertout mai que rèsto pulèu raro. I'agrado li relarg umide, riche en argielo o en sablo. Se recounèis à sa longo petalo de davans (labreto) e à sa grando taio. Regardas pamens que la labreto siegue pas en cor, que sarié alor Serapias cordigera que ié sèmblo un pau pèr ço qu'a de vèire emé la coulour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Serapias
Famiho : Orchidaceae

Coulour de la flour : Brunello
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Prado umido
Estànci : à
Couroulougi : Pancaro entresigna
Ref. sc. : Serapias vomeracea (Burm.f.) Briq., 1910

Genèbre

Juniperus communis subsp. communis

Cupressaceae

Àutri noum : Cade-pougnènt, Chai, Chai-pougnènt, Genièvre, Genebrié.

Nom en français : Genévrier commun.

Descripcioun :
Èi dins li relarg di colo, au soulèu, que lou genèbre vèn bèn. Se destrìo dóu cade emé sis aguio d'uno souleto ligno blanco (estoumato) e sis fru blu e mai pichot.

Usanço :
En mountagno s'adoubavo l'estrè de cade, tant requist ! Li grano èron acampado pièi messo à bouli dins un peiròu avans de passa au destré. Lou jus pièi èi cue pèr evapoura l'aigo. Se counservo emé de sucre e se manjo l'ivèr emé de crèmo. Tambèn emé li grano de genèbre se perfumon li carno (lèbre, tourdre...). Sèrvon peréu pèr adouba la liquour de genèbre, soun messo emé d'aigardènt un mes o dous. Un cop boulido, en decoucioun, soun bono pèr la circulacioun dóu sang.

Port : Aubret
Taio : 0,1 à 5 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Juniperus
Famiho : Cupressaceae

Ordre : Pinales

Coulour de la flour : Jauno
Petalo : ges
Ø (o loungour) enflourejado : 5 à 10 mm
Flourido : Printems - Estiéu

Sòu : Ca (Si)
Autour basso e auto : 0 à 2200 m
Aparado : Noun
Mars à juliet

Liò : Relarg à jóuinis aubret - Tepiero seco - Bos clar
Estànci : Coulinen à Aupen
Couroulougi : Éurasiatico
Ref. sc. : Juniperus communis subsp. communis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

CCC

Serapias vomeracea & Juniperus communis subsp. communis

ges

Coumpara Lebourino(-de-la-longo-petalo) emé uno autro planto

Coumpara Genèbre emé uno autro planto